Рейтинг:  0 / 5

Бугун терма жамоамиз лагерига Отабек Шукуров (“Шаржа”, БАА), Рустамжон Ашурматов (“Гвангжу”, Ж.Корея) ҳамда Элдор Шомуродов (“Женоа”, Италия) келиб қўшилишди.

“Спартак” ярим ҳимоячиси Остон Ўрунов аввалги жароҳатларининг асорати сабабли, кечаги машғулотлар аввалида ўзини ноқулай ҳис қила бошлади. Мураббийлар штаби жамоа шифокори билан маслаҳатлашиб, футболчини жиддий жароҳат хавфидан асраш, ундаги ушбу кичик ноқулайлик футболчининг МТЖ ва “Спартак”даги кейинги фаолиятига салбий таъсир кўрсатиш эҳтимолини ҳисобга олган ҳолда, унга таътил беришга ва жароҳатини тўлиқ даволаб олишга имконият яратишга қарор қилди.

Шунингдек, “Пахтакор” клуби ҳимоячиси Егор Кримец кечаги машғулотларда кичик жароҳат олганлиги сабабли, МТЖ йиғинини тарк этди.

“Сеонгнам” клуби Жамшид Искандеров Жанубий Кореяга қайтганида, 5 кундан кўп муддатга изоляцияга олиниши, шунингдек, Жанубий Корея чемпионатининг ҳал қилувчи учрашувларида жамоа таркиби кучсизланиб қолмаслиги учун футболчини МТЖнинг октябрь ойидаги йиғинига юбора олмаслигини маълум қилди.

Аввалроқ “Насаф” клуби вакиллари Ойбек Бозоров ҳамда Ҳусниддин Алиқулов клуб машғулотларида олган жароҳатлари туфайли, ушбу йиғинга кела олмаслиги ҳақида хабар берган эдик.

Эртага Вадим Абрамов мураббийлиги остидаги Миллий терма жамоамиз “Пахтакор” стадионида ўйинолди расмий машғулотини ўтказади.

Терма жамоамиз бугунги машғулотни Вадим Абрамов бошчилигидаги мураббийлар штаби қўл остида кечки пайт “Пахтакор”стадионида ўтказди.

Бугунги машғулотларда “Навбаҳор” жамоаси аъзолари – Игорь Голбан ва Азизбек Турғунбоев ҳам фаол иштирок этишди.

Машғулотларда терма жамоамиз футболчиларига куч-қувват, бўлажак ўртоқлик баҳсларида омад ёр бўлишини тилаб қоламиз.

Манба: ufa.uz.    

Рейтинг:  0 / 5

Республика махсус комиссиясининг 2020 йил 12 августдаги 43-сон баёнига мувофиқ, 2020 йил 20 августдан бошлаб, спорт заллари, стадионлар фаолиятига рухсат берилган.

Бугунги кунда кўплаб футбол мухлисларининг истак ва мурожаатларини инобатга олиб, “COVID-19 пандемияси даврида машғулотлар, мусобақалар ҳамда ўқув-машғулот йиғинларини ташкил этиш тўғрисида”ги тартиб асосида Ўзбекистон Суперлига, Про-лига ҳамда Биринчи лигасида қатнашаётган барча футбол клублари иштирокидаги учрашувларга 1000 (бир минг) нафар футбол мухлислари киритилишига рухсат берилади. Бу ҳақда ЎФА ПФЛга хат йўллаб маълум қилган.

Эслатиб ўтамиз, ўтган турларда баъзи стадионларга чекланган миқдорда мухлислар киритилиши бошланганди. Энди Суперлига, Про-лига, Биринчи лига баҳсларига расман мухлислар киришлари мумкин.

Манба: Championat.asia. 

Рейтинг:  0 / 5

19-21 сентябрь кунлари футзал бўйича XXIV Ўзбекистон чемпионати – олий лига 4-тур баҳслари бўлиб ўтади. Беллашувлар Олмалиқ шаҳридаги ОКМК спорт мажмуасида бўлиб ўтади.

19 сентябрь. ОКМК спорт мажмуаси

14:00 МЕТАЛЛУРГ – ЛОКОМОТИВ

14:00 ҚЎҚОН-1912 – АГМК

16:00 НАСАФ – БУНЁДКОР

16:00 БУХОРО – СТРОИТЕЛЬ - ЗАРАФШОН

20 сентябрь

10:00 МАКСАМ ЧИРЧИҚ – НАСАФ

12:00 ХУАХИН ЖИЗЗАХ – БУХОРО

14:00 ПАХТАКОР – МЕТАЛЛУРГ

16:00 НАВБАҲОР – ҚЎҚОН-1912

21 сентябрь

11:00 БУНЁДКОР – МАКСАМ-ЧИРЧИҚ

13:00 ПАХТАКОР – ЛОКОМОТИВ

14:00 СТРОИТЕЛЬ - ЗАРАФШОН – ХУАХИН ЖИЗЗАХ

15:00 АГМК – НАВБАҲОР.

Манба:pfl.uz.

Рейтинг:  0 / 5

ЎзПФЛ ҳамда Ўзбекистон футболчилари уюшмаси билан меморандум имзолаганидан хабарингиз бор.
Бугун — 8 сентябрь куни мазкур икки ташкилотнинг навбатдаги учрашуви бўлиб ўтди. Унда клуб ва  футболчилар ўртасидаги шартномалар, улардаги бандларга тузатишлар киритиш каби масалалар муҳокама қилинди. Бунда футболчи ва клуб муносабатларини тартибга солиш, ҳар икки субъектнинг ҳуқуқ ҳамда мажбуриятларини янада конкретлаштириш каби масалалар муҳокама этилди.

Шунингдек, “Футболчилар мақоми ва клубдан клубга ўтиши тўғрисида регламент”нинг ўзбек тилидаги нашри масаласида фикр алмашилди. Шартномаларда акс этган бандларнинг мазкур регламент, қўшимчасига “Тартиб-интизом регламенти” орқали тартибга солиш муҳим аҳамият касб этади. Бу ҳолат футболчилар ва клублар ўртасидаги муносабатларни янги босқичга олиб чиқади, бир неча йиллардан буён куртак ёзган айрим муаммоларни ҳал қилиш имконини беради.

Таъкидлаш лозим, ЎзПФЛ икки йилдан буён мазкур масала ва ундаги муаммоларни тартибга келтириш юзасидан жиддий иш олиб бормоқда. Бунинг самараси ўлароқ, бир қатор муаммолар ўз ечимини топиб улгурди. Эндиги вазифа эса футболчининг клуб олдидаги, клубнинг эса футболчи олдидаги жавобгарлигини профессионал босқичга олиб чиқишдан иборат бўлади.

Манба:pfl.uz.