Хабарингиз бор, 29 ноябрь куни Coca Cola Суперлигасининг 25-тур баҳслари ўтказилди. Мазкур тур доирасида “Навбаҳор” ўз майдонида Олмалиқнинг АГМК жамоаси билан 0:0 ҳисобидаги дурангга имзо чекди.

Спорт, шу жумладан, футболга ихтисослашган сайтлар томонидан Coca Cola Суперлиганинг 25-тур рамзий терма жамоаси эълон қилинди.

Биз учун қувончлиси, мазкур рамзий терма жамоалар таркибидан жамоамизнинг 32 ёшли тажрибали ҳимоячиси Мирзоҳид Ғофуров ҳам жой олди.

Олмалиқликларга қарши кечган баҳсда Ғофуров ҳимояни мустаҳкамлаш билан бирга, ҳужумларда ҳам фаол иштирок этди. Шунинг учун ҳам у 25-тур рамзий терма жамоаларидан ўрин олган бўлса, ажаб эмас.

“Спорт” телеканали ижодкорларининг 25-тур рамзий терма жамоаси шундай кўринишда:

SPORTS.uz. сайти ижодкорлари эса 25-тур рамзий терма жамоасини шундай кўринишда тузишди:

Биз ушбу муваффақият билан Мирзоҳид Ғофуровни табриклаймиз ҳамда  “Навбаҳор”нинг кейинги баҳсларида ҳам муносиб тўп суришини тилаб қоламиз.

“Навбаҳор” ПФК матбуот хизмати.