Хабарингиз бор, 3 декабрь куни Coca Cola Суперлиганинг сўнгги – 26-тур баҳслари ўтказилади. Ўзбекистон Профессионал футбол лигаси (ЎзПФЛ) томонидан мазкур турда фаолият олиб борадиган расмийлар рўйхати эълон қилинади.

Унга кўра, 26-турдан ўрин олган “водий дербиси”, яъни “Қўқон-1912” – “Навбаҳор” учрашувини пойтахтлик Акобирхўжа Шукуруллаев бошчилигидаги ҳакамлар бригадаси бошқарадиган бўлди. Шукуруллаевга қанотларда андижонлик ҳакамлар - Анвар Маражабов ва Зиёдулла Абдураҳмонов ёрдам беришади.

Захира ҳаками ҳам андижонлик Акмал Раҳимов.

Мазкур ўйин назоратчиси этиб, тошкентлик Дмитрий Роман тайинланган.

Учрашув комиссари эса пойтахтлик Зоҳиржон Акрамхонов.

Эслатиб ўтамиз, “Қўқон - 1912” – “Навбаҳор” баҳси 3 декабрь куни Қўқон шаҳридаги “Марказий” стадионда соат 14:00 да старт олади.

Бўлажак баҳсда жамоамизга омад ёр бўлишини тилаймиз.

“Навбаҳор” ПФК матбуот хизмати.