Хабарингиз бор, Coca Cola Суперлигаси 19-туридан ўрин олган баҳсда жамоамиз Яйпанда “Турон” меҳмони бўлади.
Мазкур ўйинга тайёргарликни “лочинлар” бугундан бошлашди.
Жамоамиз аъзолари бугунги машғулотни Виктор Жалилов бошчилигидаги мураббийлар штаби қўл остида “Марказий” ўйингоҳ майдонида ўтказишди.
Футболчилар бугунги машғулотдан ўрин олган машқларни кўтаринки кайфият ва қувноқ ҳолда бажаришди.
“Турон”га қарши кечадиган учрашувдан кейин ҳам жамоамиз аъзоларига шундай кайфият ҳамроҳ бўлсин, илоҳим!
Эслатиб ўтамиз, “Турон” - “Навбаҳор” ўйини 20 сентябрь куни Яйпандаги “Ўзбекистон” стадионида соат 19:00 да бошланади.
Машғулотларда футболчиларга куч-қувват, бўлажак баҳсда эса жамоамизга омад ёр бўлишини тилаб қоламиз.
“Навбаҳор” ПФК матбуот хизмати.